Ürəyin sağlamlığını qorumaq üçün hər gün iki ədət yeyin

Qara əncir müalicəvi məhsul sayılır. Onun müalicəvi xüsusiyyətlərini tək xalq təbabəti deyil, ənənəvi təbabət də təsdiq edir və yüksək qiymətləndirir.

"Fisin" maddəsi ilə olduqca zəngin olan qara əncir qan damarlarını təmizləyir, onları daha elastik və möhkəm edir. Bu səbəbdən qara əncir aterosklerozun və damarlarda trombların əmələ gəlməsinin əsas profilaktik vasitələrdən biridir. Ürəyin işemik xəstəliyi zamanı və bu xəstəliyin profilaktikası üçün sezonda hər gün 2 qara əncir yeyin.

Qara əncir qanazlığı zamanı çox faydalıdır, ürəyin fəaliyyətini yaxşılaşdırır, ürəyi möhkəmləndirir.

Qara əncir beyinin fəaliyyətinə, beyin damarlarının vəziyyətinə çox müsbət təsir edir.

Bronxit, nəfəs yolları iltihabları zamanı qara əncir çox güclü müalicəvi təsir edir - nəfəs yollarını selikdən və mikroblardan təmizləyir, iltihabı azaldır.

Qara əncir insanın enerjisini artırır, insana güc verir.

Qara əncirin badamla qarışığı qədim zamanlardan zəiflənmiş, çəkisini itirmiş, iştahası pis olan insanlara müalicəvi və ümumi möhkəmləndirici vasitə kimi verilir.

Saglamolun.Az