SpaceX daha 60 Starlink internet peyki istifadəyə verdi
Amerikanın özəl aerokosmik şirkəti SpaceX, 60 kosmik gəmiyə sahib olan Starlink mikropeyklərin 12-ci partiyasını uğurla işə saldı. Ümumilikdə, SpaceX Starlink genişzolaqlı İnternetə çıxış məqsədilə gələcək peyk xidmətinin orbital qruplaşması üçün artıq 713 peyk buraxıb.
Əvvəlcə işə salma SAOCOM 1B peyk çatdırılması missiyasına paralel olaraq bazar günü planlaşdırılırdı, lakin planlar bölgədəki tipik yay tufanlarıyla müşayiət olunan pis hava şəraiti ilə pozuldu və buraxılış təxirə salındı.
Nəticədə, dünən 8:46 EST-də (Bakı vaxtı ilə 16: 46-da) Floridadakı Kennedi Kosmik Mərkəzinin 39A buraxılış kompleksindən Falcon 9 raketi və 15 dəqiqə sonra Starlink mikropeyklərinin bir hissəsi aşağı Dünya orbitinə buraxıldı.
Bundan sonra raket daşıyıcısının ilk mərhələsi uğurla Atlantik Okeanında "«Of Course I Still Love You» (Əlbəttə Hələ də Səni Sevirəm") adlı muxtar dəniz platformasına endi. Bu, bu ilin iyun ayında ABŞ Kosmik Qüvvələri üçün üçüncü nəsil GPS III qlobal naviqasiya sistemi peykinin buraxılmasından bəri ikinci buraxılış vasitəsi idi.
SpaceX-in baş sertifikatlaşdırma mühəndisi Keyt Tays ( Kate Tice) veb-translyasiya zamanı bildirdi ki, şirkət bu ilin sonunda Starlink internet-xidmətinin ictimai beta-versiyasını buraxmağı planlaşdırır. Hələ ki, əməkdaşların iştirakıyla internet-xidmətin yoxlanması aparılır. Testlər, yükləmə sürətinin 100 Mbps-dən çox olduğunu və "ultra aşağı gecikmə" olduğunu göstərdi.
Keyt Tays, "Gecikməmiz ən sürətli onlayn oyun oynayacaq qədər azdır və yükləmə sürəti birdən çox HD film yayımlayacaq qədər sürətlidir, həmçinin əlavə keçirtmə qabiliyyətimiz var" deyib.
Mənbə: 3dnews.ru
Şərhlər
Şərhləri göstər Şərhləri gizlət