Ukraynada Mehdi Hüseynzadənin anadan olmasının 100 illiyi münasibətilə poçt markası hazırlanıb

Ukraynada Mehdi Hüseynzadənin anadan olmasının 100 illiyi münasibətilə poçt markası hazırlanıb

Ukraynada II Dünya müharibəsi dövründə anti-faşist müqavimət hərəkatının görkəmli nümayəndəsi, Sovet İttifaqı Qəhrəmanı Mehdi Hüseynzadənin anadan olmasının 100 illiyi münasibətilə poçt markası hazırlanıb.

“Report” xəbər verir ki, Azərbaycanın Ukraynadakı səfirliyi tərəfindən hazırlanan 2 növ poçt markasında Mehdi Hüseynzadənin təsviri yer alıb.

Sayı 2000 ədəd olan poçt markaları artıq dövriyyəyə buraxılıb.

Qeyd edək ki, bu il M.Hüseynzadənin 100 yaşı tamam olur. Azərbaycan Prezidenti İlham Əliyev Sovet İttifaqı Qəhrəmanının anadan olmasının 100 illik yubileyinin keçirilməsi ilə bağlı sərəncam imzalayıb.