Ukrayna təyyarəsinin qəzaya uğramasında ABŞ xakerləri şübhəli bilinirlər

Ens.az xəbər verir ki, keçmiş MKİ (Mərkəzi Kəşfiyyat İdarəsi) zabiti Filip Jiraldi Tehran üzərində Boeing təyyarəsinin qəzaya uğramasının yeni versiyasından danışıb.

American Herald Tribune qəzetinin məlumatına görə, ekspert şübhələnir ki, təyyarə qəzasında Amerika hökumətinin apardığı kiber müharibənin izləri var.

Materialda deyilir ki, İranın raket operatorunu “boğa” bilərdilər, buna görə də təyyarənin təkrarlayıcısı raketin buraxılmasına bir neçə dəqiqə qalmış ötürməni dayandırıb. Güman edilir ki, havadan müdafiə sistemi elektron boğma səbəbindən manual idarəetməyə keçirilə bilərdi, təyyarənin transponderinin söndürülməsi isə ona səbəb olub ki, müdafiə sistemi təyyarəni “düşmən kimi göstərib”.

Mütəxəssis hesab edir ki, xakerlər sistem boşluğundan istifadə edə bilərdilər. Eyni zamanda, ABŞ Silahlı Qüvvələrinin İran raketlərinin elektronikasına təsir edə biləcək sistem hazırlaması haqqında informasiya yayılmışdı.

“ABŞ İran hava hücumundan müdafiə sistemi və təyyarələrin transponderləri ilə əlaqədar siqnalları dəyişdirmək, həmçinin “boğmaq” üçün kiber və radioelektron müdafiə imkanlarına malikdir”, - materialda deyilir.