Uğurluoğlu Cəfər - Olarmı
Bulaq üstə duran gözəl,
Bəri baxsan qan olarmı?
Düşmüşəm dərmansız dərdə,
Dərdimə dərman olarmı?
Nə hürüdü, nə pəridi,
Baxanda cismim əridi.
Behişt gözəlinin biridi,
Belə də insan olarmı?
Cəfər, keçər cavan çağlar,
Dörd yanda qəmli dustaqlar.
Səni görüb qəlbim ağlar,
Görüşə güman olarmı?
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət