Karantin elan olunub
Trabzonun Sürmene rayonunda iribuynuzlu heyvan kəsib ətini qonşularına payladıqdan sonra bölgədəki sibir yarası şübhəsi ilə bir çox insanın Təcili Xidmətə müraciət etməsi nəticəsində istintaq başlanıb.
Rayonun Yemişli bölgəsində F.K. adlı şəxs, iribuynuzlu heyvan kəsərək ətini məhəllə sakinlərinə paylayıb. Paylanmış əti yeyən 5 nəfər axşam saatlarında ürək bulanması və qusma şikayətləri ilə Rayon Dövlət Xəstəxanası Təcili Yardım Şöbəsinə müraciət edib. Həmin insanlar müalicə edilərək xəstəxanadan evə buraxılsalar da, Rayon Sağlamlıq və Rayon Qida, Kənd Təsərrüfatı və Heyvandarlıq Müdirliyi qrupları tərəfindən bir araşdırma başlanıb. Aparılan müayinələrdə; kəsilmiş heyvandan nümunələr götürülərək analiz edilib. Analizlər nəticəsində heyvanda sibir yarası mikrobu olduğu aşkar olundu.
Məhəllədə karantin elan edildi
Rayon Qida Kənd Təsərrüfatı və Heyvandarlıq Müdirliyi və Rayon Sağlamlıq Mərkəzinin mütəxəssisləri karantin çərçivəsində bölgədə bir sıra tədbirlər, o cümlədən dezinfeksiya proseslərindən sonra istehlak edilməmiş ət və yemləri məhv ediblər. Karantin elan edilmiş məhəllədəki xırda və iribuynuzlu heyvanlara qoruyucu peyvənd vurulub.
Mənbə: .istiklal.com.tr
Şərhlər
Şərhləri göstər Şərhləri gizlət