Türkiyə Rusiyanı İdlibdə türk ordusunun yolunu kəsməməyə çağırıb

Türkiyə Rusiyanı İdlibdə türk ordusunun yolunu kəsməməyə çağırıb

Türkiyə Prezidenti Rəcəb Tayyib Ərdoğan, Türkiyə ordusunun Suriya qoşunlarının mövqelərinə zərbələr endirdiyini açıqlayıb.

Karabakhmedia.az "Anadolu"ya istinadən xəbər verir ki, Ərdoğan Türkiyənin İdlibdəki deeskalasiya zonasının əhalisini qorumaq üçün əməliyyatları davam etdirəcəyini bəyan edib.

"Ankara Türkiyənin milli təhlükəsizliyini, həmçinin Suriyanın İdlib əhalisinin təhlükəsizliyini təmin etmək üçün addımları davam etdirmək əzmindədir", - deyə prezident bildirib.

Prezident Ərdoğan, dörd əsgərin ölümü ilə nəticələnən hücumu pisləyib.

"Türkiyə İdlibdəki zərbəyə güclü bir zərbə ilə cavab verdi və bundan sonra da davam edəcək", o deyib.

Ərdoğan Rusiyanı baş verənlərə qarışmamağa çağırıb:

"Rusiyaya bildirdik ki, əgər Moskva İdlibdə Bəşər Əsəd rejimini dayandıra bilmirsə, o zaman türk ordusunun yolunda maneələr yaratmağa çalışmasın".