Tümen vilayətinin nümayəndə heyəti Azərbaycana gələcək
Rusiyanın Tümen vilayətinin işgüzar missiyası avqustun 11-16-da Azərbaycanda səfərdə olacaq.
“Report” Rusiya KİV-nə istinadən xəbər verir ki, səfər zamanı qonaqlar işgüzar görüşlər keçirəcək, potensial tərəfdaşlarla danışıqlar aparacaq, ayrı-ayrı idxalçı müəssisələrə baş çəkəcəklər. Həmçinin sınaq mal tədarükünə dair müqavilələrin imzalanması da nəzərdə tutulur.
Missiyada “Tümen Cihaz” (neft, qaz, enerji sahələrində avtomatlaşdırma avadanlıq və xidmətləri), “Tümen maşınqayırma zavodu”, “Jizn” MMC (torf və sapropel hasilatı), “SibNA” SC (enerji daşıyıcılarının hesablanmasında modern texnologiyalar) kimi müəssisələr təmsil olunacaq.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət