Trampın vəkili: İfadə verməyə hazıram

Trampın vəkili: İfadə verməyə hazıram

ABŞ prezidenti Donald Trampın vəkili Rudolf Culian Senatda dövlət başçısının impiçmenti ilə bağlı təhqiqat çərçivəsində ifadə verməyə hazırdır.

Publika.az xəbər verir ki, bu barədə o yerli mediaya açıqlamasında bildirib.

Xatırladaq ki, iddialara görə, prezident Donald Tramp Zelenski ilə telefon danışığı zamanı demokratların nümayəndəsi, prezidentliyə namizəd, keçmiş vitse-prezident Co Baydenin oğlunun Ukraynadakı ticarət fəaliyyətinin araşdırılmasını tələb edib. Əvəzində isə “Ağ ev” rəhbəri Kiyevə dəstək sözü verib. İddia edilir ki, Tramp bu yolla rəqibinə siyasi zərbə vurmaq istəyib.

Telefon danışığının mətni mətbuata sızandan sonra demokratlar “Ağ ev” rəhbərinin impiçmentini tələb edib.