Tramp İsrail-Fələstin münaqişəsinin nizama salınması üzrə “əsrin müqaviləsi”ni təqdim edib

Tramp İsrail-Fələstin münaqişəsinin nizama salınması üzrə “əsrin müqaviləsi”ni təqdim edib

ABŞ prezidenti Donald Tramp İsrail-Fələstin münaqişəsinin nizama salınması üzrə planı təqdim edib. 

“RİA Novosti” xəbər verir ki, ABŞ-ın təklif etdiyi “əsrin müqaviləsi” İsrail və Fələstin münaqişəsinin nizamlanması üzrə plandır. 

Tramp bildirib ki, İsrailin baş naziri Binyamin Netanyahu ABŞ tərəfindən təklif edilən “əsrin müqaviləsi”nin şərtləri ilə razılaşıb: 

“İsrail bu gün sülhə doğru nəhəng addım atır. Ötən gün baş nazir Netanyahu mənə bildirib ki, o, ABŞ-ın planını danışıqların əsası kimi dəstəkləməyə hazırdır. Fələstinlilər də ən yaxşı həyata layiqdirlər. Amma terror fəallığının tələsinə düşüblər”. 

ABŞ prezidenti əlavə edib ki, Yaxın Şərq üzrə plan 80 səhifədən ibarətdir. Bu, həmin məsələdə ən dolğun sənəddir.