Tramp İrana zərbə endirmək əmri verib, sonra onu geri götürüb

Tramp İrana zərbə endirmək əmri verib, sonra onu geri götürüb

ABŞ Prezidenti Donald Tramp İran silahlı qüvvələrinin Amerikaya məxsus pilotsuz aparatı vurmasından dərhal sonra İslam Respublikasına zərbə endirilməsi barədə göstəriş verib, lakin sonradan onu geri götürüb.

"Report" TASS-a istinadən xəbər verir ki, bu barədə cümə axşamı "The New York Times" qəzeti yazıb.

Mənbələrin sözlərinə görə, Amerika lideri əvvəlcə İranda kiçik sayda hədəflərə, xüsusilə də, radiolokasiya stansiyası və raket batareyalarına zərbə endirilməsi barədə göstəriş verib. Sonradan bu planlar ləğv edilib.