Amazon şirkəti Trampın dindirməsi üçün məhkəmə iddiası qaldırıb
Amazon şirkəti ABŞ prezidenti Donald Trampı Pentaqonun tenderi haqqında iş çərçivəsində dindirmək niyyətindədir. Ens.az RİA Novosti-yə istinadən xəbər verir ki, təşkilat artıq məhkəməyə icazə tələbi ilə müraciət edib. AWS (Amazon şirkətinin bir törəmə şirkəti), ortaq müdafiə infrastrukturu proqramı üçün podratçının seçilməsində iştirak edən və JEDI müqaviləsi üzrə yekun qərarın çıxarılmasında rol oynayan yeddi nəfərin ifadə verməyə çağırılması üçün icazə istəyib.
Söhbət Microsoft-un əldə etdiyi on milyard dollarlıq Pentaqon tenderindən gedir. Bu şirkət on il ərzində ABŞ Müdafiə Nazirliyi üçün bulud əsaslı bir saxlama infrastrukturu yaradacaqdır.
Əslində, məhz Amazon şirkəti bu sövdələşməyə əsas iddiaçı hesab olunurdu və 2019-cu ilin yazında müvafiq saziş imzalamağa yaxın idi. Amazon şirkəti uzun illərdir ki, Mərkəzı Kəşfiyyat İdarəsi də daxıl olmaqla ABŞ-ın müxtəlif hökumət qurumlarını avadanlıqlarla təmin edir.
Amazon bildirir ki, yalnız müqayisə edilən təkliflərə əsaslanan bir qiymətləndirmə aparılsaydı, tenderin nəticəsi tamamilə fərqli olardı. Ötən ilin noyabr ayında şirkət ABŞ-ın müdafiə idarəsinin bu qərarına etiraz edərək ABŞ federal məhkəməsində iddia qaldırıb. Məhkəmə iddiasında şirkət Trumpı Birləşmiş Ştatlar Müdafiə Nazirliyinə təzyiq göstərməkdə ittiham edib.
Şərhlər
Şərhləri göstər Şərhləri gizlət