Toyota pikapı 900 at gücünə sahib avtomobilə çevirdilər

Layihənin yaradılmasında şirkətin idman bölməsi iştirak edib

Amerikalı maşın yarışçısı Bred DeBerti Toyota Racing Development (TRD)-in idman bölməsi ilə birlikdə son dövrlərin ən qeyri-adi drift-avtomobillərindən birini yaradıb. Bu yarış avtomobili Tacoma pikap maşınının əsasında qurulsa da , onda tam orijinal Tacoma-dan yalnız sərnişin salonu və ümumi ön hissə qalıb.

Avtomobil radikal şəkildə ucuzlaşdırılıb, forması ilə bağlı yeniliklərdən isə qabaq qövsləri yuvarlaq hala salınıb, dairəvari aqressiv asmalar, layihə üçün özəl olaraq hazırlanmış yeni bamperlər və arxa hissəyə böyük spoylerin əlavə edildiyini göstərmək olar.

Mühərrik bölməsində NASCAR seriyası üçün yarış avtomobillərinə vurulan TRD-ın V-bədii "səkkizliyi" quraşdırılmışdır. Bu aqreqatın son gücü təxminən 900 at qüvvəsinə çatır.

Eyni zamanda, hava filtrini mühərrik bölməsinə sığışmayan bir ölçüdə quraşdırmalı olublar, odur ki, maşının kapotunda bir deşik açmaq lazım gəlib.

Bu layihənin ən heyrətləndirici tərəfi odur ki, bütün detallarının hazırlanması ilə birlikdə istehsalı və yekun montajı üçün cəmi 90 gün vaxt tələb olunub. Avtomobilin qurulması prosesinin necə baş verdiyi haqqında ətraflı video layihə müəllifinin YouTube kanalında yayımlanıb.

DeBerti şəxsi instaqram səhifəsi vasitəsilə bildirib ki, avtomobil həm drift, həm ralli-kross yarışlarında, eləcə də küçə yarışlarında iştirak edə bilər.