Toy və nişan mərasimləri açıq havadakı restoranlarda keçirilə bilərmi? - AÇIQLAMA

“Bizim gözəl ənənələrimizdə toylar yalnız qida qəbulu deyil, həm də kütləvi şənlik kimi keçirilir”.

Ens.az MediaPost-a istinadən xəbər verir ki, bunu İqtisadiyyat Nazirliyi yanında Dövlət Vergi Xidmətinin rəis müavini Samirə Musayeva Nazirlər Kabineti yanında Operativ Qərargahın brifinqində bildirib.

“Toylar kütləvi şənlik tədbirləri də hesab olunur. Bizim gözəl ənənələrimizdə toylar yalnız qida qəbulu deyil, həm də kütləvi şənlik kimi keçirilir. Bildiyiniz kimi, yalnız masa arxasında qida qəbulu zamanı maskadan istifadə etməməyə icazə veriliri. Digər hallarda isə maska ilə bir yerdə toplaşmamaq, 2 metr məsafənin qorunması kimi məsələlər digər qadağaların içərisində olduğuna görə, hesab edirik ki, bu açılmaların kütləvi şənliklər üçün ayrılması nəzərdə tutulmur” - deyə S.Musayeva bildirib.  

Hikmət Hacıyev kafe və restoranlarda toy və nişan mərazimlərinin keçirilməsi məsələsinə münasibət bildirərkən əlavə edib ki, kafelərdə yalnız 6 nəfərin toplaşmasına icazə verildiyi üçün toy və nişan mərasimləri buraya aid edilmir.