Teymur Aliməmmədov Yəhya oğlu

Aliməmmədov Teymur Yəhya oğlu - "20 Yanvar Şəhidi"

Teymur Aliməmmədov Yəhya oğlu "20 Yanvar" şəhidi. Ölümündən sonra "20 Yanvar şəhidi" fəxri adına layiq görülüb.

Haqqında

1972-ci ildə Naxçıvan MSSR, Şahbuz rayonunun Keçili kəndində anadan olub. Teymur dörd bacının bir qardaşı və ailənin yeganə oğlu idi. N. Nərimanov adına Tibb Universitetinin əczaçılıq fakültəsinin birinci kursunda təhsil alırdı. Subay idi.

Şəhid olması

Teymur birinci imtahan sessiyasını uğurla başa vurmuşdu. Doğma kəndlərinə getmək istəyirdi. İki dostu ilə Aerokassadan Naxçıvana bilet alıb geri qayıdarkən Aerokassanın qabağında başından güllə yarası alıb. 4 nömrəli klinik xəstəxanasına gətirilir. Güllə Teymurun əmgəyindən dəymiş, üst çənəsində ilişib qalıbmış. Həkim Nizami Məmmədov yeddi gün yaralını həyata qaytarmaq üçün çalışmış, Teymur özünə gəlmədən canını tapşırmışdır. Şahbuz rayonunun Keçili kənd qəbiristanlığında dəfn edilib.