Təhsil Nazirliyi ehtiyat dərsliklər hazırlayıb
Milli Məclisin Elm və təhsil komitəsinin iclasında Təhsil Nazirliyinin rəsmisi Fərzəli Qədirov da çıxış edib.
Modern.az xəbər verir ki, onun sözlərinə görə, Təhsil Nazirliyi alternativ yox, ehtiyat dərsliklər hazırlayıb:
“Dərslikləri nəşriyyatlar hazırlayır. Hər hansı dərsliyin hazırlanmasında problem olsa, tenderlər baş tutmasa bu zaman Təhsil Nazirliyi ehtiyat dərsliklərlə məktəbləri təmin edir. Bu gün 5 yaşlı uşaqların 75 faizi məkətbəhazırlığa cəlb olunub. 2020- ci ildə bu göstərici 90 faizə çatdırılmalıdır.
“Kurikulum” sözünə gəlincə isə, bu beynəlxalq termindir. Biz bu sözü təhsil proqramı şəklində yazırıq. Mötərizədə isə kurikulum sözünü yazırıq. Beynəlxalq təcrübədə bu sözdən istifadə edilir. Bu termin artıq vətəndaşlıq hüququ alıb”-deyə o bildirib.
Şərhlər
Şərhləri göstər Şərhləri gizlət