TƏBİB ölkədəki son vəziyyəti açıqladı
Tibbi Ərazi Bölmələrini İdarəetmə Birliyi (TƏBİB) Azərbaycanda koronavirusla bağlı iyunun 20-nə olan statistik göstəriciləri açıqlayıb.
Ens.az Publika.az-a istinadən xəbər verir ki, məlumatda bu gün ərzində Azərbaycanda koronavirusla bağlı 6627 test edildiyi bildirilib.
Qeyd olunub ki, ölkə ərazisində bu günə qədər 417 102 test aparılıb. Onlardan 12 238-nin cavabı pozitiv çıxıb. İndiyədək 148 nəfər COVID-19-dan dünyasını dəyişib, 6516 nəfər xəstəliyə qalib gəlib. Aktiv xəstə sayı 5574 nəfərdir. 167 nəfər reanimasiyada, 36 nəfər süni tənəffüs cihazındadır.
Xatırladaq ki, bu gün Azərbaycanda 471 yoluxma faktı qeydə alınıb, 5 nəfər dünyasını dəyişib, 191 pasiyent sağalıb.
Şərhlər
Şərhləri göstər Şərhləri gizlət