Tanınmış fransız aktyor vəfat edib
Məşhur fransız aktyor Fransua Perro Parisin şəhərkənarında 94 yaşında vəfat edib.
Oxu.Az xəbər verir ki, bu barədə “Le Figaro” qəzeti məlumat yayıb.
F.Perro 26 fevral 1924-cü ildə Parisdə anadan olub. Öz karyerasına 1951-ci ildə Milli Ümumxalq Teatrında (Théâtre National Populaire) başlayıb.
Böyük ekranlarda debütünü 1954-cü ildə “Gəzəyən qadınlar” kriminal dramında gerçəkləşdirib. Karyerası ərzində 150-dən çox film və serialda rol alıb.
Müxtəlif kino və televiziya layihələrində Katrin Denev, Jan-Pol Belmando, Jerar Depardye və digər tanınmış aktyorlarla tərəf müqabili olub. Onun sonuncu aktyor işi 2013-cü ildə böyük ekranlara çıxan “Sahilyanı Orse” bədii filmi olub.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət