Suriyada Türkiyəyə qarşı kəşfiyyat həmləsi - Kod adlar mediaya çıxdı

Birləşmiş Ərəb Əmirliyinin (BƏƏ) türk düşməni olan YPG/PKK terror təşkilatına texniki kəşfiyyatın mövzusunda təcrübə keçmək məqsədilə Suriyaya mütəxəssislər göndərdiyi ortaya çıxıb.

Teleqraf.com türk mediasına istinadən xəbər verir ki, 2017-ci ildə YPG ilə gizli görüşlərə başlayan BƏƏ sonrakı illərdə YPG nəzarətində olan bölgələrə kəşfiyyat mütəxəssisləri göndərib.

Beləcə BƏƏ-dən gələn mütəxəssislər terrorçulara casusluq, casusluqla mübarizə, təxribat, sui-qəsd aktları, informasiya təhlükəsizliyi, rabitə şəbəkəsi və digər mövzularda təlimlər keçib. Belə təlimlər əsasən Suriyanın Qamışlı, Haseke və Deyrizzorda təşkil olunub.

Türkiyə mediası hətta Suriyada YPG-yə dəstək verən BƏƏ-nin bəzi mütəxəssislərinin kod adlarını da əldə edib.

Əbdüllətif Əbdülqadir Hamruş kod adlı agent Qamışlıda YPG/PKK-da informasiya təhlükəsizliyi və siqnal kəşfiyyat sahəsi mövzusunda 1 il müddətində həm işləyib, həm də təcrübə dərsləri keçib.