Supermarketdə öldürülən şəxs Hərbiləşdirilmiş Mühafizə İdarəsinin əməkdaşı olub

Supermarketdə öldürülən şəxs Hərbiləşdirilmiş Mühafizə İdarəsinin əməkdaşı olub

Bu gün Xətai rayonu ərazisində yerləşən “Bravo” supermarketində bankomatların olduğu ərazidə inkassasiya xidmətinə olan silahlı basqın nəticəsində həyatını itirmiş Həşimov Rüfət Rahib oğlu Rəqəmsal İnkişaf və Nəqliyyat Nazirliyinin tabeli qurumu Hərbiləşdirilmiş Mühafizə İdarəsinin əməkdaşı olub.

Bu barədə Rəqəmsal İnkişaf və Nəqliyyat Nazirliyi “Facebook”da məlumat yayıb.

Bildirilib ki, Hərbiləşdirilmiş Mühafizə İdarəsi aidiyyəti hüquq-mühafizə orqanları ilə hadisənin araşdırılması məqsədilə əməkdaşlıq edir: “Nəticəsi barədə müvafiq hüquq-mühafizə orqanları tərəfindən ictimaiyyətə əlavə məlumat veriləcək”