Smartfonların ən populyar parametrləri açıqlandı
Məşhur AnTuTu bençmark komandası Android bazasında işləyən smartfonların ən populyar parametrlərini aydınlaşdırmaq məqsədi ilə apardığı araşdırmanın nəticələrini dərc etdi.
Təxminən istifadəçilərin dörddə biri (24,37%) Full HD ölçülü (1080x1920) smartfonlara sahibdir. 17,19% Full HD+ ölçülü (2160x1080 piksel) çərçivəsiz smartfonlardan istifadə edir. 16% kəsikli və Full HD+ ölçülü (2248x1080 və ya 2280x1080 pikselli) ekranlara keçib. Bununla belə Android smartfonların yarısı hələ də HD və daha aşağı ölçüyə malikdir.
İstifadəçilərin 14,61%-i 6 düymlü smartfonlara üstünlük verir, ikinci yerdə isə 5,5 düym diaqonallı 12,75% göstərici ilə, üçüncü yerdə 11,45% ilə 6,2 düymlü olanlar qərar tutub.
Android smartfonların 73,8%-i səkkiz nüvəli prosessorlar üzərində işləir, ancaq 21,9%-i dörd nüvəlidir. Smartfonların 36,51%-i 6QB əməli yaddaş, 31,7%-i 4QB əməli yaddaşla təchiz olunub. Ən geniş yayılmış yaddaş həcmi 41,13% ilə 64QB, ikinci yerdə isə 24,64% ilə 128QB-dır.
Bazarda satılan smartfonların 61%-i Android Oreo üzərində işləyir. Android Nougat-ın payına 24,07% düşür.
Mənbə: Ferra.ru
Şərhlər
Şərhləri göstər Şərhləri gizlət