Seyid Əzim Şirvani - Məktəbli ilə müəllimin əhvalatı
Bir uşaq incimişdi məktəbdən,
Dedi: - Ey xaliqi-zəminü zəmən,
Bir ölüm ver bizim bu ustadə,
Ta olum məktəbindən azadə.
Bir doyunca gedim gəzim baği,
Həm edim baği seyr, həm daği.
Bu duani eşitdi mollası,
Dedi: - Oğlum, bunun nə mənası?
Mən əgər rehlət etsəm üqbayə,
Qoyar atan bir özgə mollayə.
Atanın mərgini istə, ey nadan,
Qalasan ta yetimü sərgərdan.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət