Səudiyyə Ərəbistanındakı neft boru xətləri bölüşdürüldü

Səudiyyə Ərəbistanındakı neft boru xətləri bölüşdürüldü

Səudiyyə Ərəbistanı Dövlət Neft Şirkəti “Saudi Arabian Oil Co.” (“Aramco”) boru kəmərləri şəbəkəsini bölüşdürməklə bağlı ABŞ-ın “EIG Global Energy Partners”ın başçılıq etdiyi konsorsiumla müqavilə imzalayıb.

Ens.az Report.az-a istinadən xəbər verir ki, müqavilə şərtlərinə görə konsorsium 12,4 milyard ABŞ dolları müqabilində yeni yaradılan “Aramco Oil Pipelines Company”də 49 faizlik pay sahibinə çevrilməklə 25 il müddətində “Aramco”ya məxsus hazırkı və gələcəkdə tikiləcək boru kəmərləri şəbəkəsindən neft nəqlinin tarif haqlarının ödənilməsi üzrə hüquqlar əldə edir.

Bununla yanaşı “Aramco” boru kəmərləri şəbəkəsi üzərində sahibliyə və əməliyyat nəzarətinə davam edəcək. Tərəflər bu müqaviləni tarixin ən böyük infrastruktur sövdələşmələrindən biri kimi dəyərləndiriblər.