![SEPAH komandanı Rəisinin helikopterinin qəzaya uğradığı yerə getdi](https://ensiklopediya.az/images/news/sepah-komandani-reisinin-helikopterinin-qezaya-ugradigi-yere-getdi.jpg)
SEPAH komandanı Rəisinin helikopterinin qəzaya uğradığı yerə getdi
İslam İnqilabı Keşikçiləri Korpusunun (SEPAH) komandanı, general-leytenant Hüseyn Səlami İslam Respublikası prezidenti İbrahim Rəisinin helikopterinin sərt eniş etdiyi əraziyə yollanıb.
Ens.az Qafqazinfo.az-a istinadən xəbər verir ki,bu barədə “Tasnim” agentliyi məlumat yayıb.
Bildirilib ki, Səlamidən əlavə SEPAH-ın bir neçə yüksək rütbəli zabiti də qəza yerinə gedib. Onların axtarış prosesini sürətləndirmək üçün yerindəcə əmr verəcəkləri qeyd edilir.
Xatırladaq ki, bundan öncə SEPAH-ın İranın Şərqi Azərbaycan əyalətindəki komandanı general Əsgər Abbas Qalizadə İran liderinin olduğu helikopterin qəzaya uğramasının dəqiq yerinin müəyyən edildiyinə aydınlıq gətirib. O, axtarış-xilasetmə əməliyyatında iştirak edən hər kəsin çətin eniş sahəsinə getdiyini və “insanlara xoş xəbər çatdıracağına” ümid etdiyini bildirib.
Şərhlər
Şərhləri göstər Şərhləri gizlət