SƏHƏRLƏR ACQARINA SU İÇMƏYİN 7 FAYDASI

Ens.az xəbər verir ki, məşhur alman nəşri Focus, səhərlər acqarına su içdikdə insan orqanizmində nə baş verdiyini  izah edib.

Nəşrin müəllifləri belə bir prosedurun yeddi faydalı xüsusiyyətini sadalayıblar - dəri parlaqlığından immuniteti gücləndirməyə və maddələr mübadiləsini sürətləndirməyə qədər.

 1. Orqaqizmin təmizlənməsi

Gecələr bədənimiz dincəlir və toksinlərdən xilas olur. Səhər boş mədəyə su içməklə, vücudunuzdan zərərli maddələrin atılmasına kömək edəcəksiniz. Bundan əlavə, bol maye içmək əzələ hüceyrələrinin və yeni qan hüceyrələrinin istehsalını təşviq edir.

2. Maddələr mübadiləsinin sürətlənməsi

Boş mədəyə su içsəniz, maddələr mübadiləsinin intensivliyi 24% sürətlənəcək. Daha sürətli maddələr mübadiləsi, öz növbəsində, daha yaxşı həzm deməkdir və bu, məsələn, arıqlamaq üçün vacibdir. Bunun üçün ilıq su içmək məsləhət görülür.

3. Mədə yanması və mədənin nasazlığının öhdəsindən gəlmək daha asan olur

Həzm pozğunluqları mədədə turşuluğun artması səbəbindən baş verir. Turşu qida borusuna daxil olduqda, ağızda xoşagəlməz  dad hiss olunur. Əgər səhər yerindən duran kimi boş mədəyə su içsəniz, turşu konsentrasiyası azalacaq və mədə qıcqırması  olmayacaq. Bundan başqa, mədə bununla səhər yeməyinə hazırlaşacaq.

4. Dərinin keyfiyyətin yaxşılaşması, təbii parlaqlığın yaranması

Maye olmaması səbəbindən qırışlar və genişlənmiş  məsamələr vaxtından əvvəl yaranır. Tədqiqat nəticələri göstərir ki, boş  mədədə 500 mililitr su qan dövranını əhəmiyyətli dərəcədə stimullaşdırır və dəriniz buna görə sizə  minnətdar olacaq.

5. Parlaq sağlam saçlar

Mayenin olmaması saç böyüməsi üçün ciddi nəticələrə səbəb ola bilər. Su saçları nəmləndirir və onların həcminin dörddə birinə  qədər təşkil edir. Əgər insan az maye istifadə edirsə, saçlar incə və tezsınan olur.  Gün ərzində çox içmək hər halda çox vacibdir, ancaq boş  mədədəki su saçın vəziyyətinə xüsusilə güclü təsir göstərir.

6. Böyrək daşları və sistit riskini azaldır

Yuxudan dərhal sonra su içmək həm də ona görə vacibdir ki, bu, böyrək daşları və sidik kisənin iltihabı riskini azaldır. Yetərli maye mədə turşusunun səviyyəsini azaldır və böyrək daşlarına və sistitə səbəb ola biləcək toksinləri çıxarır.

7. İmmunitet sisteminin gücləndirilməsi

Acqarına su içmək limfa sisteminin düzgün tarazlığı üçün faydalıdır, bunun sayəsində insan müxtəlif xəstəliklərin  patogenlərinə qarşı daha davamlı olur.

Mənbə: med2.ru