Səfir: 'Azərbaycanla İranın dostluğu və qardaşlığı əbədidir'

Səfir: 'Azərbaycanla İranın dostluğu və qardaşlığı əbədidir'

İranın milli bayramı – İslam İnqilabının Qələbəsi Günü münasibətilə bu ölkənin Azərbaycandakı səfirliyində rəsmi qəbul keçirilib.

"Report" xəbər verir ki, tədbiri giriş sözü ilə İranın Azərbaycandakı səfiri Cavad Cahangirzadə açıb.

"Azadlıq və istiqlaliyyət İran xalqının əldə etdiyi dəyərlərdir. İnqilabın nailiyyəti bütün sahərdə diqqət çəkir", - səfir deyib.

C.Cahangirzadə Azərbaycan və İran əlaqələri barədə də danışıb: "İki dövlətin dostluğu və qardaşlığı əbədidir. İranla Azərbaycan əlaqələrinin inkişaf etdiyini göstərən bir sıra sübutlar mövcuddur. İki ölkə rəsmilərinin qarşılıqlı səfərləri də xüsusi əhəmiyyət kəsb edir".