Savadsızlığına görə lağlağıya qoyulan nazir üzr istədi
Ukraynanın yeni Təhsil və elm naziri Anna Novosad Feysbuk hesabında yazdığı mətndə çoxlu səhvə yol verdiyini etiraf edib və onları düzəldib.
“Öz səhvlərimi, xüsusən də qrammatik, etiraf etməkdən qorxmuram və onların üzərində öyrənirəm. Bu gündən Feysbuk hesabıma başqa cür yanaşacağam”, - nazir sosial şəbəkədə yazıb.
Xatırladaq ki, Anna Novosadın Feysbukda çoxlu səhvlərlə yazdığı mətnə birinci vəkil Tatyana Montyan diqqət yetirərək onun düzəldilmiş formasını öz hesabında yerləşdirmişdi. Bundan sonra sosial şəbəkə istifadəçiləri nazirə bir çox səhvlərinə görə lağ etmişdi.
Qeyd edək ki, A. Novosad avqustun 29-da Ukraynanın Təhsil və elm naziri təyin edilib. O, bu postda Liliya Qrineviçi əvəzləyib.
Şərhlər
Şərhləri göstər Şərhləri gizlət