Sarıkökün orqanizm üçün faydaları

Sarıkök müntəzəm istifadə zamanı yeni koronavirusla mübarizədə orqanizmin qabiliyyətini gücləndirir. Həmçinin bu ədviyyatın sağlamlıq üçün digər üstünlükləri də var.

“Qafqazinfo” “MedikForum.ru”ya istinadən bildirir ki, çinli həkim Lü Hunşenin sözlərinə görə, immuniteti gücləndirmək üçün sarıkökdən hər gün istifadə etmək lazımdır.

Koronavirusa yoluxmadan qoruması ilə yanaşı, sarıkök orqanizm hüceyrələrin struktur bütövlüyünü qoruyub-saxlayır. Bu, onun iltihabəleyhinə təsiri sayəsində təmin olunur. Sarıkökün tərkibindəki əsas komponent – kurkumin sayəsində o, xərçəng xəstəliyinə yoluxma riskini aşağı salır.

Antioksidant və iltihabəleyhinə xüsusiyyətləri ilə çiy sarıkök həzm sisteminin işini effektiv şəkildə yaxşılaşdırır. Sarıkökün daha bir əsas faydası – o, artrit zamanı ağrı simptomlarını yüngülləşdirir. Oynaqlardakı yüngül soyuqdəymə zamanı o, dərmanı əvəz etməyə qadirdir.

Həmçinin ədviyyat qan dövranını aktivləşdirməsi və qaraciyəri sağlamlaşdırmaq gücünə sahib olması ilə məşhurdur. Tədiqatlar göstərmişdi ki, onun istifadəsi orqanizmdən toksinlərin daha intensiv şəkildə çıxarılmasına kömək edən fermentlərin istehsalını artırır, bununla da qaraciyərin detoksasiyasını gücləndirir.