'Sampdoriya” futbolçularının koronavirus testinin nəticəsi açıqlandı

"Sampdoriya" klubunun daha əvvəl koronavirusa yoluxmuş dörd futbolçusunun COVID-19 testlərinin növbəti nəticələri açıqlanıb.

Ens.az Report.az-a istinadən xəbər verir ki,bu barədə klub özünün rəsmi saytında bildirib.

Qeyd edilir ki, futbolçuların koronavirus testlərinin növbəti nəticələri mənfi olub. Bununla da futbolçuların sağaldığı hesab edilir.

Xatırladaq ki, mayın 7-də Genuya klubu koronavirusa üç yeni yoluxmanın qeydə alındığını, daha bir oyunçunun testinin müsbət nəticə verdiyini bildirib. Virusa yoluxmuş oyunçularda xəstəlik simptomsuz olub.

"Sampdoriya"nın COVID-19-a yoluxmuş ilk futbolçusu hücumçu Manolo Qabbyadini olub. Nəticədə yoluxma onun altı komanda yoldaşında da aşkarlanıb. Genuyalılar bu göstərici üzrə lider olublar. Bundan sonra "Sampdoriya”nın oyunçularından biri klubun daha 15 futbolçusunun COVID-19-a yoluxduğunu bildirib.

"Sampdoriya" 25 turda 26 xal yığaraq, İtaliya çempionatında 16-cı yer tutur.

Mənbə: