Şair Məmmədhüseyn - Məni
Leyli kimi vədə verdin, gəlmədin,
Məcnun kimi saldın dağlara məni.
Bədəsil xoryadı bağban eylədin,
Qoymadın bağçaya, bağlara məni.
Zimistanda, hər payızda, hər yayda,
Hər saatda, hər həftədə, hər ayda.
Hər şivədə, hər ağıda, hər vayda,
Həmişə qatginən ağlara məni.
Məmmədhüseyn deyər, qurban yar sənə,
Sağlığında verrəm ixtiyar sənə.
Mən öləndə vəsiyyətim var sənə,
Öz əlinlə bükdür ağlara məni.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət