![Rusiyalı parlamentaridən açıqlamalar: Telefon danışıqlarınızın dinləndiyini necə bilə bilərsiniz?](https://ensiklopediya.az/images/news/rusiyali-parlamentariden-aciqlamalar-telefon-danisiqlarinizin-dinlendiyini-nece-bile-bilersiniz.jpeg)
Rusiyalı parlamentaridən açıqlamalar: Telefon danışıqlarınızın dinləndiyini necə bilə bilərsiniz?
Telefonun sürətlə qızması, danışıq zamanı səs-küy və ya əks-səda, həmçinin mobil trafikin yüksək səviyyədə istehlakı mobil telefonun dinlənilməsinin əlamətləridir.
Oxu.Az-ın "RIA Novosti"yə istinadən xəbərinə görə, bu barədə Rusiya Dövlət Dumasının İnformasiya Siyasəti Komitəsinin üzvü Anton Nemkin məlumat verib.
Parlamentari qeyd edib ki, qadcetin telefon dinləmələrinin olub-olmadığını yoxlamaq konfidensiallığın (məxfilik) təmini və şəxsi məlumatların mühafizəsi üçün ciddi addımdır. Buna görə də diqqət etməli olduğunuz ilk məqam telefonda qeyri-adi nələrinsə baş verməsidir.
"Əgər telefonunuzun enerjisi hər zamankından daha tez bitirsə, telefon tez-tez qızırsa və ya zənglər zamanı qəribə səslər və əks-sədalar hiss edirsinizsə, bu, casus proqram təminatının mövcudluğundan xəbər verə bilər", - deyə Anton Nemkin izah edib.
Bundan əlavə, mobil məlumatdan istifadəni daha tez-tez yoxlamaq lazımdır, çünki bir çox casus proqramları məlumatları internet vasitəsilə ötürür və bu da mobil məlumat istehlakını artırır.
Şərhlər
Şərhləri göstər Şərhləri gizlət