Rusiyada səsdən sürətli sərnişin təyyarələri hazırlanır

Rusiyada səsdən sürətli sərnişin təyyarələri hazırlanır

Rusiyada səsdən sürətli mülki təyyarələr hazırlanacaq. Hazırda bu iş layihəqabağı araşdırmalar mərhələsindədir. FaktXeber.com-un məlumatına görə, bu barədə RF Sənaye Ticarət  Nazirliyinin  rəhbəri Denis Manturov xəbər verib.

Nazirin sözlərinə görə, kommersiya cəhətdən effektiv  yeni səsdənsürətli sərnişin təyyarəsi müasir dünyada mülki aviasiya sahəsində böyük nailiyyətdir.

«Biz işləri diqqətlə izləyirik», - deyə o, vurğulayıb.

Qeyd edək ki, bundan əvvəl Jukov adına Mərkəzi Aerodinamika İnstitutunun  direktoru  Kirill Sıpalo 2030-cu ildən sonra səsdən sürətli  sərnişin təyyarələrinin  seriyalı buraxılışının həyata keçiriləcəyini bəyan etmişdi.