Rusiyada polisi sosial şəbəkələrdə təhqir edənlər həbs olunacaq

Rusiyada polisi sosial şəbəkələrdə təhqir edənlər həbs olunacaq

Rusiya Daxili İşlər Nazirliyi internetdə hüquq-mühafizə orqanlarına hörmətsizlik ifadə edən informasiyalara görə məsuliyyətə cəlb olunma ilə bağlı qanun layihəsi hazırlamağa başlayıb. Bir sözlə, qonşu ölkədə polisi sosial şəbəkələrdə təhqir edənlər həbs olunacaq.

 Bizimyol.info xəbər verir ki, Rusiya Daxili İşlər Nazirliyi özü bununla bağlı məlumat yayıb. Nazirlikdə hiss edirlər ki, uyğun mexanizmi işə salmağın zamanı yetişib. Çünki sosial şəbəkələrdə polislər çox təhqir olunur.

Əslində, qanunvericilikdə dövlət xadimlərinin təhqiri ilə bağlı məsuliyyətə cəlb olunma cəzası var. Həbsxanadan canını 300 min rublla (təxminən 5 min dollar) qurtarmaq mümkündür.

Rusiyada yeni qanun layihəsinə hazırlıq təsadüfi deyil. Müxalifət bu il çox fəallaşıb, ard-arda etiraz aksiyaları keçirilir. Say çoxluğunun yaranmasında sosial şəbəkələrin birbaşa rolu var.