'Roma'nın futbolçuları 4 aylıq maaşlarından imtina etdi
İtaliyanın "Roma" klubunun futbolçuları 4 aylıq maaşlarından imtina ediblər.
"Report" paytaxt təmsilçisinin rəsmi saytına istinadən xəbər verir ki, qərar koronavirus pandemiyası səbəbindən maliyyə böhranını aradan qaldırmağa və klub işçilərini işdən çıxarmamağa kömək edəcək.
Futbolçularla yanaşı baş məşqçi Paulo Fonseka və məşqçilər heyəti də bu addımı atıblar.
Qeyd edək ki, İtaliya A Seriyası XXVI turdan sonra dayandırılıb. Hazırda turnir cədvəlinə 63 xalla “Yuventus” başçılıq edir. "Roma" 45 xalla 5-ci pillədə qərarlaşıb.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət