Rəna Əlisaqızı

Rəna Əlisaqızı 1956-cı il oktyabr ayının 29 da Masallı rayonunun Kalinovka kəndində ziyalı ailəsində dünyaya göz açmışdır. 1976-cı ildə Lənkəran Tibb Texnikumunu “Müalicə feldşer” fakültəsini fərqlənmə ilə bitirmiş və həmin  ildən də Kalinovka kənd xəstəxanasında fəaliyyətə başlamışdır. Hal-hazırda cərrahiyyə  şöbəsində baş əməliyyyat tibb bacısı vəzifəsində çalışır. Orta məktəb illərindən bədii yaradıcılıqla məşğul olub. Dövrü mətbuatda, almanaxlarda, qəzet və jurnallarda şeir, qəzəl, mənsur və satirik şerlər, bayatılar, hekayə və poemaları dərc olunmuşdur. “Göy qurşağı” ədəbi-bədii məclisinin fəal üzvüdür.

“Qızıl qələm”, “Xan qızı Natəvan”, “Şəfalı əllər” media mükafatları, “Qafqaz-Media” İB-nın təsis etdiyi “Heydər Zirvəsi” diplomlarına layiq görülmüşdür.  

Gənclərin hərbi-vətənpərvərlik ruhunda tərbiyə olunmasındakı fəaliyyətinə və multikultural dəyərlərin təbliğinə görə MƏSQVT-nin tərəfindən  “Fəxri fərman”la, mənəvi dəyərlərin təbliğində bədii yaradıcılığı ilə fəail iştirakına görə   Ağsaqqallar Şurası tərəfindən təşəkkürnamə ilə təltif edilmişdir.

“Ata ocağı”, “Oxu ürəyimi sən vərəq-vərəq” və “Doğma yurdum Kalinovka” kitablarının müəllifidir.

Ailəldir, 4 övlad anasıdır.

[haber=110191]