"Real Madrid" Modriçlə müqavilənin uzadılması barədə razılığa gəlib

"Real Madrid" Modriçlə müqavilənin uzadılması barədə razılığa gəlib

 İspaniyanın "Real Madrid" klubu futbolçusu Luka Modriçlə müqavilənin uzadılması ilə bağlı razılığa gəlib.

"Report" "Marca"ya istinadən xəbər verir ki, 34 yaşlı yarımmüdafiəçi ilə yeni sözləşmə 2021-ci ilə qədər nəzərdə tutulacaq.

AVRO-2020-nin seçmə mərhələsində Azərbaycan millisi ilə eyni qrupda yer alan Xorvatiya yığmasının kapitanının karyerasını Madrid klubunda başa vuracağı ehtimal olunur.

Qeyd edək ki. Luka Modriç 2012-ci ildən "Real Madrid"də çıxış edir. Komandanın heyətində 290 oyun keçirən ulduz futbolçu 4 dəfə Çempionlar Liqasının qalibi olub. "Qızıl top"un son sahibi həm də 2018-ci il dünya çempionatında ən yaxşı futbolçusu adına layiq görülüb. Onun hazırkı müqaviləsi 2020-ci ilin yayında başa çatır.