Qida borusu xərçənginin gecikmiş təzahürləri

* səsin tutulması

* Horner triadası(mioz,psevdoptoz,eqzoftalm)

* yerli limfa düyünlərinin böyüməsi

* bradikardiya(azan sinirin qıcıqlanması ilə əlaqəli)

* öskürək tutması

* qusma

* trəngnəfəslik

* stridoroz tənəfüs

Xəstəliyin ümumi simptomlarına aiddir:

* ümumi zəiflik

* proqressivləşən arıqlama

* anemiya

Yuxarıda sadalanan simptomlar xəstəliyin gecikmiş və terminal mərhələsinə dəlalət edir.Düzgün diaqnostika məqsədilə qida borusu xərçənginin atipik formalarına fikir vermək lazımdır.Atipik formalara aşağıdakılar aiddir:

Qida borusu forması - disfaqiya,qida borusu ilə hərəkət zamanı ağrı ilə xarakterizə olunan və ən çox rast gələn forma

Qastritik forma - xroniki qastrit əlamətləri verir.Xəstələrdə qıcqırma,ürəkbulanma,gəyirmə,qusma ilə təzahür edir.

Nevralgik forma - boyun,çiyin və onurğada ağrıların olması ilə müşayət edilir.

Ürək forma - xəstəliyin klinikasinda ürək nahiyədə ağrılarla özünü biruzə verir.

Larinqotraxeal forma - səsin karlaşması,batması,hürücü öskürəklə müşayət edilir.

Plevropulmanol forma - özünü təngnəfəslik,öskürək və boğulma tutmaları ilə göstərir.

Qarışıq forma - müxtəlif formaların təzahürlərini özündə birləşdirir.

Qida borusu xərçənginin diaqnozunun dəqiqləşdirilməsi qida borusunun rentgenoskopiyası və məqsədli biopsiya ilə ezofaqskopiyanın köməyi ilə aparılır.

Qida borusunun xərçəngi aşağıdakı əlamətlərlə özünü biruzə verir:

- qida borusunda dolma defekti

- qida borusunda peristaltikanın olmaması

- qida borusunun relyefinin pozulması

- qida borusunun konturlarının deformasiyası

Şişin qonşu orqanlara yayılmasını bilmək üçün rentgenoqrafiyanın və kompyuter qrafiyasının nəticələri əsas götürülür. Qida borusunun xərçənginə şübhəli olan hər bir kəs mütləq ezofaqoskopiya edilməlidir.

Mənbə: Milli.Az