Qazax heykəltəraşın yaratdığı möhtəşəm Koroğlu abidəsi Türkiyədə qoyulacaq...
Moderator.az “Kazinforum” saytına istinadən xəbər verir ki, Qazaxıstanın heykəltəraşı Murat Mansurovun yaratdığı abidə Türkiyənin Bolu şəhərində qoyulacaq.
Abidə məşhur türk eposu “Koroğlu”ya həsr olunub. Heykəlin çəkisi 500 ton, hündürlüyü 70 metrdir. 2016-cı ildə beynəlxalq müsabiqə elan olunanda dünyanın 7 ölkəsindən 9 iddiaçı iştirak edib.
Beynəlxalq münsiflər heyətinin qərarına görə heykəl yaratmağın hüququ Murat Mansurova verilib. Layihənin annotasiyasını məşhur şair Oljas Süleymenov yazıb.
Hazırda heykəlin quraşdırılması üçün hazırlıq işləri görülür. Nəhəng heykəlin açılışının gələn ilin əvvəlində Türkiyə prezidenti Rəcəb Tayib Ərdoğanın iştirakı ilə açılması planlaşdırılır.
Qeyd etmək lazımdır ki, heykəltəraş Murat Mansurov Qazaxıstanda son səkkiz ildə ən çox heykəl-abidələrinin qoyulduğu heykəltəraşdır.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət