Qax rayonunun Qıpçaq kəndində inşa edilən uşaq bağçası oktyabrın sonunadək istifadəyə veriləcə

Qax rayonunun Qıpçaq kəndində inşa edilən uşaq bağçası oktyabrın sonunadək istifadəyə veriləcə

Qax rayonunun Qıpçaq kəndində inşa edilən 40 yerlik uşaq bağçasının tikintisi başa çatmaq üzrədir. Hazırda binanın daxilində boyaq-bəzək işləri görülür.

AZƏRTAC-ın bölgə müxbiri xəbər verir ki, bağçanın tikintisi Yaponiya hökumətinin “Ot kökləri və insan təhlükəsizliyi qrant yardımı proqramı” çərçivəsində bu ölkənin Azərbaycandakı səfirliyi ilə “Şəki Ekologiya və Təhsil Mərkəzi” Gənclərin İctimai Birliyi arasında imzalanmış müqavilə əsasında həyata keçirilir. Bu, qrant yardımı proqramı çərçivəsində Yaponiya hökumətinin dəstəyi ilə Qax rayonunda reallaşan sayca yeddinci layihədir.

İctimai Birliyin sədri Əlirza Məhərrəmovun sözlərinə görə, uşaq bağçasının oktyabrın sonunadək istifadəyə verilməsi nəzərdə tutulur.