"Qalatasaray"dan Arda Turan sürprizi

"Qalatasaray"dan Arda Turan sürprizi

Arda Turanla bağlı yeni xəbər yayılıb.

Fanat.Az xəbər verir ki, "Barselona"nın "Başakşəhər"ə icarəyə verdiyi futbolçunun yetirməsi olduğu "Qalatasaray"a dönə biləcəyi iddia edilib.

Qeyd edək ki, "Qalatasaray"ın baş məşqçisi Fatih Terimin milli komandaya rəhbərliyi etdiyi dönəmdə futbolçu ilə münasibətləri pisləşmişdi.

Bir müddət əvvəl "İmperator" ləqəbli mütəxəssisin atası vəfat etmiş, klubdan icazə verilmədiyi üçün dəfn mərasiminə qatıla bilməyən Arda zəng edərək başsağlığı vermişdi. Bundan sonra Terimlə futbolçu arasındakı soyuqluq aradan qalxıb. İddialara görə, Terimlə Arda bu günlərdə görüşərək müzakirələr apırıblar.

"Başakşəhər" "Barselona"dan icarəyə götürdüyü Ardanı heyətində saxalmaq istəmir. Kataloniya klubu da onu geri qaytarmaq niyyətində deyil və satmaq istəyir. İddialara görə, "Qalatasaray" yaxın günlərdə "Barselona" ilə danışıqlara başlaya bilər.