Qadın voleybolçularımız dünya çempionatında mübarizəyə başlayır

Qadın voleybolçularımız dünya çempionatında mübarizəyə başlayır

Sabah Yaponiyada voleybolçu qadınlar arasında XVIII dünya çempionatına start veriləcək.

Oxu.Az xəbər verir ki, C qrupunda yer alan Azərbaycan milli komandası mundialın ilk turunda ABŞ yığması ilə üz-üzə gələcək.

Qarşılaşma Bakı vaxtı ilə saat 11:10-da start götürəcək. Qrupumuzun digər görüşündə Rusiya Trinidad və Tobaqo ilə, Cənubi Koreya isə Tailandla qarşılaşacaq.

Millimiz sentyabrın 30-da Cənubi Koreya ilə (11:10), oktyabrın 2-də Rusiya ilə (08:40), oktyabrın 3-də Trinidad və Tobaqo ilə (08:40) və oktyabrın 4-də Tailandla (11:10) görüşəcək.

Qeyd edək ki, qadınlar arasında voleybol üzrə dünya çempionatı 24 milli yığma komandanın iştirakı ilə sentyabrın 29-dan oktyabrın 20-dək Yaponiyanın altı şəhərində keçiriləcək.