Prezident: “Azərbaycan pandemiya ilə mübarizədə aparıcı ölkələrdən biridir”

Prezident: “Azərbaycan pandemiya ilə mübarizədə aparıcı ölkələrdən biridir”

Azərbaycan Prezidenti İlham Əliyev ölkənin “SinoVac” peyvəndləri ilə təmin olunmasında göstərdiyi dəstəyə görə Çinə təşəkkür edib.

Ens.az Report.az-a istinadən xəbər verir ki, bu barədə Prezident İlham Əliyev Nizami Gəncəvi Beynəlxalq Mərkəzinin videoformatda keçirdiyi “Cənubi Qafqaz: Regional inkişaf və əməkdaşlıq perspektivləri” adlı müzakirələrdə danışıb.

“Xahişimiz dərhal təmin edildi və bunun sayəsində bu gün Azərbaycan bu pandemiyaya qarşı mübarizədə aparıcı ölkələr sırasındadır. Bunun sayəsində indiyədək 1,9 milyon insanı vaksinasiya edə bilmişik. Bu, ümumi əhalimizin təxminən 20 faizini təşkil edir, peyvəndlərin 99,9 faizi isə Çin peyvəndi idi”, - o deyib.