Populyar adların yeni statistikası

Populyar adların yeni statistikası

Novator.az 2019-cu ilin yanvar-mart aylarında Azərbaycanda doğulmuş uşaqlara qoyulan populyar adların siyahısına nəzər salıb.

Ədliyyə Nazirliyinin təqdim etdiyi statistikaya görə, ən çox qoyulan qız adları arasında Zəhra ilk sıradadır: 369 uşaq.

Nuray adı yanvar-mart aylarında 258, Zeynəb adı 251, Aylin adı 244, Məryəm adı 233, Mələk adı 197, Fatimə adı 184, İnci adı 171, Dəniz adı 166, Ayan adı 160 uşağa qoyulub.

Oğlan adları içində Yusif birincidir. Üç ayda 367 uşağa Yusif adı verilib.

Populyar adların onluğunda Əli (320 uşaq), Uğur (268), Hüseyn (263), Ömər (222), Məhəmməd (210), Murad (188), Ayxan (179), Tunar (140) və Ümid (123) adları da yer alır.