Pep Qvardiola yeni rekord vurub
“Mançester Siti”nin baş məşqçisi Pep Qvardiola yeni rekord müəyyənləşdirib.
Apasport.az saytının məlumatına görə, ispaniyalı mütəxəssis bunu Çempionlar Liqasının 1/8 final mərhələsinin “Real”la keçirilən ilk oyununda gerçəkləşdirib.
Madriddə baş tutan qarşılaşmada Qvardiola ən nüfuzlu klub turnirinin pley-off mərhələlərində 28-ci qalibiyyətini əldə edib. 49 yaşlı mütəxəssis bununla həmkarları Joze Mourinyo, Karlo Ançelotti və Aleks Ferqyusonu geridə qoyub.
Qeyd edək ki, “Real” – “Mançester Siti” matçında 1:2 hesabı qeydə alınıb. Komandalar arasında cavab görüşü martın 17-də Mançesterdə keçiriləcək.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət