Növrəs İman - İnciməzmi
İstəyirəm, ərzi-halım danışım,
Bu qürbətdə məndən el inciməzmi?!
Bir kəsim yox, nə də dostum, tanışım,
Tənə sözdən əhli-dil inciməzmi?!
Dünya malı çox şirindi insana,
Canım qurban ariflərə, qanana!
Adətindi sənin, çarxı-zamana,
Çarx əysə, ağadan qul inciməzmi?!
İman, dərdin dəryalara qatılıb,
Zər mətahın mis yerinə satılıb.
Şeyda bülbül dar qəfəsə atılıb,
Onun naləsindən gül inciməzmi?!
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət