Niyə qəhvəni piroqla ilə içmək olmaz ?

 Eynilə "fast food" larla qəhvə sifariş etmək kimi.

Yox, bu hətta ciddi pəhriz saxlayanların özlərinə rəva gördükləri az günahkar həzzlərdən biridir: yavaş- yavaş piroqla bir fincan ləzzətli kapuçino içmək. Məsələn, ekler və ya giləmeyvə qarışığı ilə. Və ya bərk, ətirli pendir ilə - inanılmaz desert alınır. Lakin qəzəbli alimlər demək olar ki yatmırlar və bizə bunu qadağan etməyə çalışırlar. Ancaq bu bizim öz xeyrimiz üçündür.

Məlum olub ki, yağlı xörəkdən sonra qəhvə içsəniz, qanda qlükoza səviyyəsi, bu ikisini qarışdırmayan vaxtlara nisbətdə 65% qalxacaq. Kanadadakı Qvelf Universitetinin alimləri bunu dürüst təcrübə aparmaqla aşkar ediblər: əvvəlcə iştirakçıları yağlı qidalarla qidalandırdılar, sonra onlara qəhvə verdilər və qan şəkərlərinin səviyyəsini ölçdülər. Sonra nəticələr yeməkdən sonra qəhvə içməyənlərin nəticələri ilə müqayisə edildi.

"Buna görə diabetli insanlar qəhvə içməkdən çəkinməlidirlər. Maksimum içə biləcəyiniz şey - kofeinsiz içkilərdir. Tərkibində doymuş yağ turşuları olan qırmızı ət, tez hazırlanan xörəklər və emal olunmuş qidaları qəbul etmələrini də məhdudlaşdırmaq lazımdır " deyə araşdırma müəllifi Mari-Soleyl Bodua bildirib.

Bundan başqa, şəkərli diabet xəstəliyi qazanmaq riskinin artmasından əlavə, yağlı qidaların və qəhvənin birləşməsi elementar çəki yığımı üçün təhlükəlidir: qanda qlükozanın kəskin artması səbəbindən insan tezliklə yenidən aclıq hiss edir. Ancaq qəhvəni piroq və ya yağlı xörəklə birləşdirmədən içirsinizsə, bu arıqlamağa kömək edir: gündə iki fincan qəhvə qadınlarda piylənmə riskini azaldır.

Yeri gəlmişkən, bu etdiyimiz yeganə səhv deyil və bununla da canlandırıcı bir içkinin bütün faydalarını məhv edirik. Digərləri də var.

Qəhvəni birbaşa paketdə saxlamaq

Qəhvə paketini açıldıqdan sonra -fərq etmir üyüdülmüş və ya dənli olsun - hava keçirməyən bir qaba tökmək lazımdır. Əks təqdirdə, qəhvə yalnız ətrini itirmir: havanın təsiri ilə qəhvədə oksidləşdirici proseslər başlayır, sərbəst radikalların sayı artır və bunların öhdəsindən gəlmək üçün antioksidanlar istehlak olunur - nəticədə siz eyni antioksidanlardan daha az qəbul edirsiniz.

Qəhvəni səhər saatlarında için

Tanışlarımdan biri deyirdi: "Səhərin ilk fincan qəhvəsinə qədər mən sadəcə insan deyiləm". Bəli, bəzən bizə elə gəlir ki, səhər qəhvə olmadan oyana bilmirik. Lakin bu bizə belə gəlir: bu eynilə səhər çayına da aiddir. Məsələ burasındadır ki, oyandıqdan sonra ilk iki saat ərzində qanda kortizol səviyyəsi çox yüksək olur və hər hansı bir xarici stimulyator olmadan bu enerji orqanizm üçün kifayət edir. Lakin səhər saat 10-dan 12-dək kortizol səviyyəsi düşməyə başlayır. Və bu - ilk fincan qəhvə üçün əla vaxtdır. Bu yolla bədənin ehtiyatlarını və qəhvənin enerjisini ən səmərəli şəkildə istifadə edirsiniz.

Azaldılmış kofein üçün yüngül qızardılmış qəhvəyə üstünlük verin

Əslində qovurma nə qədər tünd olarsa, qəhvənin dadı daha zəngin və içərisində daha az kofein olur. Belə ki , qovurma zamanı kofein sadəcə yanır.

Daha az qovrulmuş qəhvənin daha çox antioksidan ehtiva etdiyini düşünürsənsə, burda səhv etmək dəha asandır: bu mövzu hələ kifayət qədər öyrənilməyib. Mütəxəssislər açıq qovurulmuş qəhvənin tərkibində sərbəst radikallarla mübarizə aparmağa və qan şəkərinin səviyyəsini sabitləşdirməyə kömək edən daha çox maddələrin olduğunu, tünd qovrulmuş dənli qəhvədə isə antioksidan xüsusiyyətlərə sahib olan, xərçəng əleyhinə, iltihab əleyhinə bir sıra birləşmələrin olduğunu söyləyirlər. Ona görə də hər ikisi yaxşıdır.

Mənbə: wday.ru