Nikolun Qarabağ təklifinin mənası budur – Markaryan

Nikolun Qarabağ təklifinin mənası budur – Markaryan

“Qarabağ – Ermənistandır” sözü azərbaycanlılara və ya dünyaya qarşı yönəlməyib.

Axar.az xəbər verir ki, bunu “Vernatun” klubunun iclasında çıxışı zamanı Daşnaksütyun Partiyasının rəsmi nümayəndəsi Qrant Markaryan deyib.

“Bu, qarabağlılarla bağlı deyilən sözdür. Sanki onlara deyirlər ki, Qarabağ – Ermənistandır və mən sizin baş nazirinizəm, sizin hakimiyyət qondarmadır. O, bu sözləri azərbaycanlılar və ya dünya üçün yox, məhz bunun üçün deyib”, – deyə o bildirib.

Markaryan Paşinyanın Qarabağ konfliktinin “Ermənistan, Qarabağ və Azərbaycan üçün qəbul edilən olmalıdır” bəyanatında da gizli mesajın olduğunu söyləyib:

“O, bəyan edir ki, hələ indiyə qədər Ermənistanın heç bir lideri belə şey deməyib. Yəni bunun mətnaltı mənası belədir: “Mən sələflərinin güzəşt etmədiyi əlavə nələrisə güzəşt etməyə hazıram”. Mən onun Levon Ter Petrosyandan daha çox nəyi güzəştə gedəcəyinə təəccüb edirəm”.