Nigeriya “Meta”nın 220 milyon dollarlıq cəriməsini təsdiqləyib

Nigeriya “Meta”nın 220 milyon dollarlıq cəriməsini təsdiqləyib

Nigeriyanın Federal Rəqabət və İstehlakçıların Hüquqlarının Müdafiəsi Komissiyası ABŞ-nin “Meta” şirkətinin apellyasiya şikayətini rədd edib və istehlakçı hüquqları, məlumatların qorunması, məxfilik qanunlarını pozduğuna görə quruma qarşı əvvəlki 220 milyon dollar cəriməni qüvvədə saxlayıb.

Ens.az Report.az-a istinadən xəbər verir ki,bu barədə komissiyaya istinadən "Reuters" məlumat yayıb.

Komissiya “Meta”nı 19 iyul 2024-cü ildə şəxsi məlumatların istifadəsi qaydalarını pozduğuna görə cərimələyib. “Meta”nın ayrı-seçkiliklə məşğul olduğu və bazardakı dominant mövqeyindən sui-istifadə etdiyi də aşkarlanıb.

Nigeriyanın bir sıra dövlət qurumlarının iştirak etdiyi araşdırma 2021-ci ilin mayından 2023-cü ilin dekabrına qədər davam edib. Tənzimləyici vatsap və feysbuk sosial şəbəkələrinin alqoritmlərini və iş üsullarını öyrənib.