Nə üçün aeroportda telefon doldurmaq riskli işdir?

Ens.az xəbər verir ki, kiber cinayətkarla fırıldaqçılığın yeni üsulunu mənimsəyiblər.

IBM Security şirkətinin ekspertləri mobil cihazlardan məlumatların oğurlanmasının yeni üsulunu aşkar ediblər. Risk zonasında doldurmaq üçün ictimai USB portlardan istifadə edən səyahətçilərdir, çox vaxt belə stansiyalara aeroportlarda rast gəlmək olar. Aydın oldu ki, xakerlər bu portları asanlıqla elə dəyişirlər ki, kabeli ona qoşduqda cihaza zərərli proqram təminatı yüklənir. O, sahibinin şəxsi, o cümlədən bank informasiyasını oğurlamağa qadirdir. 

Təhlükəsizlik sahəsində işləyən mütəxəssislərin məlumatına görə, 2019-cu ildə nəqliyyat sahəsi kiber cinayətkarlar üçün ən prioritetli yoldan birinə çevrilmişdir: o, təşkilatların maliyyəsini təqib edir. Bununla yanaşı hələ 2017-ci ildə o, onuncu yerdə idi. 

“Səyahət edənlər hər zaman təhlükə altındadırlar. Yüzlərlə il əvvəl onlar quldurların hücumuna məruz qalırdılar, günümüzdə isə oğurluqlar rəqəmsal səviyyədə baş verir”, - IBM Security şirkətindən Kaleb Barlou (Caleb Barlow) bildirib. 

Mütəxəssislər fırıldaqçılığın daha asan üsulunu aşkar ediblər: bəzi hallarda xakerlər doldurma stansiyasını sökmürlər, sadəcə ona öz kabelini bağlayırlar. İnsan cihazına uyğun kabeli görür və doldurmaq üçün ona qoşur. Bununla yanaşı, “xaker” kabelinə telefona zərərli proqram təminatını yükləyən çip əlavə olunub. 

Bu təhlükədən yayınmaq çox asandır: özünüzlə doldurma kabeli gəzdirin ki, onu adi elektrik yuvasına qoşa biləsiniz. Doğrudur, onlara aeroportlarda tez-tez rast gəlinmir, buna görə də portativ akkumulyator vəziyyətdən xilas edəcək. İctimai doldurma stansiyalarından istifadə etmək istəyirsinizsə, xüsusi müdafiəli “açar”-çevirici almaqla özünüzü sığortalaya bilərsiniz: o, məlumat ötürülməsini blok edərək ancaq elektrik keçirir.