NATO və ABŞ üçün real təhlükə 2020-ci ildə aktivləşəcək - Gizli kəşfiyyat məlumatları yayıldı

Danimarka mətbuatında Rusiyanın Şimal qütbündə hərbi mövcudluğunu gücləndirmək üçün döyüş bazası yaratmağa başladığı iddia edilir.

Rusiyanın Şimal qütbündəki aktiv hərəkətliliyini izləyən Danimarka kəşfiyyatının iddialarına görə, sözügedən bazada xeyli sayda qırıcı təyyarələr var.

Kəşfiyyat məlumatlarına görə, Rusiya bu hava bazası üçün 2017-ci ildən işlərə başlayıb. 2020-ci ildə bazanın aktiv şəkildə fəaliyyət göstərəcəyi təxmin edilir.

Danimarka kəşfiyyatına görə, Frans Josef Torpağında yaradılan hərbi hava bazası, Rusiyanın Arktikada daha da güclənməsinə imkan verəcək və dünyanın ən şimal nöqtəsinə çevriləcək. Peyk görüntülərinə görə, hazırda hava bazasında uçuş-enmə zolağının 2500 metrdən 3500 metrədək uzadılması üçün işlər davam etdirilir. Ayrıca, yeni bir hava bazası tətbiq edildikdən sonra Rusiya Arktika bölgələrində hücum potensialını əhəmiyyətli dərəcədə artıracaq ki, bu da Qrinlandiyanı əldə etməyə imkan verəcək.

Təhlilçilərin analizinə görə, bu bazadan Rusiya təyyarələri də qısa müddət ərzində Şimal-şərqi Qrinlandiyaya çata və hətta uzaqmənzilli raketlərin köməyi ilə hücum edə bilər.

Danimarka mətbuatı kəşfiyyat məlumatlarını yayaraq Rusiyanın bu hərəkətinin NATO, Skandinaviya ölkələri və ABŞ üçün böyük təhlükə yaratdığını bildirib.